6 ára afmælisstelpa

Þessi frábæra og duglega stelpa varð sex ára 1. október. Hún hefur frábæran karakter og með henni leiðist mér aldrei. Litla stelpan sem gerði mig að mömmu er allt í einu orðin 6 ára. Helgina eftir afmælið héldum við svo smá veislu fyrir vini, fjölskyldu og bekkjarfélagana. Þessi mynd var á boðskortinu :-)

Afmælispakkinn var auðvitað opnaður strax og hún vaknaði. Að vísu vaknaði hún nokkrum sinnum um nóttina til að tékka á klukkunni en fékk ekki að opna fyrr en dagurinn var kominn ;-)

Við erum ekkert alltaf sammála. Hún vildi kaupa köku en mig langaði til að baka og skreyta með henni en það finnst mér vera algert möst! Við mættumst á miðri leið þar sem við keyptum toppinn og skreyttum svo rest. Við vorum ekkert lítið sáttar með þessa :-) En blár er uppáhaldsliturinn í augnablikinu. Á disknum fyrir aftan ma sjá rice-crispies kökur með rjóma og jarðaberjaíssósu það var mjög gott og vinsælt.

 :-)

 Hér er auðvitað ekki haldið uppá afmæli án þess að skreyta svolítið. Kemur sér vel að eiga alltaf veifur frá Tiger. Ég kann mikið vel að meta þessa litadýrð í eldhúsinu og hugsa að veifurnar fái að hanga svolítið áfram.

Kv. Dúdda <3