Lítill svartur kjóll

Það er góð hugmynd að taka upp snið af flík sem manni þykir vænt um og fílar vel. Ég er t.d. lengi búin að eiga kjólinn á myndinni til vinstri. Ég var hins vegar með allt öðruvísi efni til að vinna með en ákvað að sníða efri hlutann á nýja kjólnum eftir hinum en láta hann svo vera lausari að neðan.

Og það besta er að þessi kjóll var einu sinni virkilega víðar og fyndnar buxur sem ég fann hjá mömmu. Hann var því ekki dýr í framkvæmd. Keypti bara tvinna og silki-skábandið sem ég setti í hálsmálið og svo neðst á hann. Við erum að tala um nokkra hundraðkalla skiljiði :-)

Mér finnst hann æði eins og ég notaði hann í gær svona alveg lausan eeen hann býður  upp á svo marga  spennandi möguleika.

Við Sigríður systir lékum okkur útí garði í gær

Ég smellti mér í þessar litlu hvítu ermar og skóna fínu frá því ég gifti mig. Aldeilis sem kjóllinn var fínn svona. Rómó fílingur í þessu

                                                                                                                                                              

Svo þægilegur til að hnoðast með litlu skotturnar :-)

Skora á ykkur allar að finna ykkur efni sem má alveg skemmast og prófa bara. Þetta er svo gaman! :-)

<3 Dúdda

Lazy days pils

Ég saumaði um helgina lazy days pils fyrir Erlu Maren. 

Bútur af eldgömlu og ó svo mjúku sængurveri, skáband, teygja og tvinni - 30 mínútur og Emí orðin einu pilsi ríkari!

Ég við Erlu: ,,Má ég nú taka mynd af þér í nýja pilsinu?"

Erla: ,,Já!"

Svo gerist þetta....

Þessar myndir saman gefa ágætis mynd af pilsinu en þið sjáið kannski vinnuna sem fer í að ná myndum af  3ja ára orkubolta ;-)

Hér má svo sjá í pilsið í axjón, frá því þegar við mæðgur skelltum okkur í fjöruferð.

 Hér er svo pils sem ég gerði á sama hátt þegar Erla var ponsa :-)

Annar léttur blúndu kjóll

Í þetta sinn hafði ég hann styttri og svolítið þrengri. Ótrúlega fínt yfir samfellu og sokkabuxur og ef maður á sætar bleyju-buxur þá er það bara til að setja punktinn yfir i-ið.

Við ætlum að njóta góða veðursins í dag hér á Tálknafirði. Algerlega kominn tími til útiveru eftir alltof langt veikindatímabil hjá okkur.

Hárbönd úr gömlu havaí hálsmeni

Hér á bæ slitnaði um daginn havaí hálsmen sem var mikið búið að leika sér með, ég tók rauðu blómin og gulu og saumaði þau á hvíta teyju úr gömlum nælonleggings


Og stelpurnar eiga því nú þessi krúttlegu hárbönd :-)

Blúndukjóll fyrir blúndubínu

Hin dásamlega Ragna Evey er 11 mánaða í dag. Það var aldeilis kominn tími til þess að hún eignaðist sinn blúndukjól :-) Ég sneið hann eftir kjól sem hún á og ákvað svo að falda hann ekki. Hann er þessvegna alveg rosa léttur og krúttlegur. Það verður svo spennandi að sjá hvort blúndan rakni öll upp.. ;-) 

<3 Vona að þið eigið góðan dag <3

Laugardagsföndrið - Pils

Hér koma nokkrar vel hristar og hrærðar myndir. Ákvað samt að deila þeim með ykkur þar sem pilsið sem er í aðalhlutverkinu er svo asskoti sætt!

Við mæðgur saumuðum semsagt eitt stykki pils á Laugardaginn en efnið sem við notuðum var bútur sem hafði verið klippt af pilsi sem mamma stytti fyrir Sigríði. Ótrúlega sniðugt að nota það í pils á lítið stelpuskott finnst mér :-)

Svona lá rófunni mikið á að fá nýja pilsið - hún var barasta komin í verkið sjálf..

Mikið kát með fína pilsið :-)

:-)

Smá breyting á flík

Smá breyting á flík getur gert svo mikið! Ég stytti pils sem ég keypti á nytjamarkaðinum á Selfossi fyrir löngu síðan.

Núna sé ég fyrir mér að ég muni nota það :-)

Krummi krúnkar úti

Og þá er það búningurinn hennar Rögnu Eveyjar, sem var lítill krummi í gær. Heimatilbúið og kósý :-)

EMí ofurhetja!

Jiiii hvað það var skemmtilegt að gera þennan búning og Erla Maren alveg alsæl! Í búninginn notuðum við bara hluti sem til voru á heimilinu, leggings og skór sem hún á, Búningurinn sjálfur saumaður úr gömlum síðermabol, skykkjan er svo blúnduefni, hjörtun sem eru saumuð á hana og er í beltinu eru klippt úr gömlum bol sem ég var hætt að nota. Og elsku elsku saumavélin sá um stuðið!

Fullt af myndum því hún er svo sæt að það er eiginlega ekki hægt að hemja sig!

Nýtt útlit

Sagan endalausa heldur áfram! Lampaskermurinn er kominn með nýtt útlit. Ekki mikil breyting en breyting samt.

Ég tók s.s. dúkinn af skerminum

Og saumaði í staðin blúnduefni á hann. Elska hann miklu meira svona ;-)